Biełaruskaja čyhunka adkryła prodaž biletaŭ z elektronnaj rehistracyjaj na ŭsie tranzitnyja mižnarodnyja ciahniki, jakija kursujuć u dalokaje zamiežža, paviedamili ŭ pres-słužbie BČ.
fota Julii Balcevič
Taksama na sajcie Biełaruskaj čyhunki źjaviłasia mahčymaść kuplać kvitki z elektronnaj rehistracyjaj na ŭnutranyja ciahniki inšych čyhunačnych administracyj.
Nahadajem, kupla kvitka z elektronnaj rehistracyjaj praź internet dazvalaje pasažyru ździejśnić pajezdku biez afarmleńnia kvitka ŭ kasie. Takija ciahniki adznačanyja na sajcie značkom ER.
Pry pasadcy ŭ ciahnik nieabchodna pakazać dakumient, jaki śviedčyć asobu pasažyra, paznačany ŭ zamovie. A pry prajeździe ŭ mižnarodnym ciahniku — dadatkova błank elektronnaha kvitka, razdrukavany na arkušy papiery farmatu A4.
