Kurdy Iraka majuć šaniec na niezaležnaść, bo stvaryli dziejazdolnuju armiju.
Irackija kurdy majuć namier pravieści refierendum pra niezaležnaść 25 vieraśnia, niahledziačy na zaklik ZŠA adkłaści jaho praviadzieńnie.
Pra heta paviedamlaje ahienctva Rojterz.
Zachad niepakoicca, što refierendum abvostryć situacyju ŭ rehijonie, dzie i biez taho idzie vajna z tak zvanaj «Isłamskaj dziaržavaj».
Kurdy składajuć mienšaść u takich dziaržavach, jak Irak, Turcyja, Iran i Siryja, pryčym žyvuć tam kampaktna. Hetaja nacyja jašče tolki farmirujecca, kurdam nie paščaściła atrymać ułasnuju dziaržavu ŭ XX st. Jany dziesiacihodździami viali ŭzbrojenuju baraćbu za prava na heta. Najbolšaha pośpiechu dasiahnuli kurdy ŭ Iraku, dzie paśla skidańnia dyktatara Chusejna amierykancami ŭtvaryłasia Kurdskaja Aŭtanomija, pryčym na terytoryjach, bahatych naftaj.
