Pa prośbie ambasadara Biełarusi ŭ Rasiei Vasila Daŭhalova RIA «Novosti» dało novy varyjant zahałoŭku i ŭvodzinaŭ materyjału ab pazycyi Łukašenki pa Paŭdniovaj Asiecii i Abchazii.
Zamiest «Miensk nieŭzabavie zajavić ab pryznańni niezaležnaści Suchumi i Cchinvali — ambasadar» zahałovak zaraz hučyć tak: «Biełaruś, jak sajuźnik Rasiei, padtrymaje jaje pa Paŭdniovaj Asiecii i Abchazii — ambasadar».
Zatym RIA Novosti pryvodzić słovy ambasadara, skazanyja ŭ hutarcy z žurnalistami:
«Što tyčycca padtrymki, to my ž sajuźniki, i hetym usio skazana».
Dalej dyplamat paviedamlaje, što jość list Alaksandra Łukašenki, dzie ŭsio pa hetaj temie skazana. U pieršapačatkovym paviedamleńni rasiejskaha ahienctva z słovaŭ V.Dałholeva havorka išła ab zajavie A.Łukašenki, jakaja vinnaja nieŭzabavie źjavicca. Pry hetym dadzienaje paviedamleńnie źjaviłasia paźniej, čym infarmacyja ab pasłańni biełaruskaha prezidenta — rasiejskamu.
U im, u pryvatnaści, havorycca, što «u sytuacyi, jakaja skłałasia ŭ Rasiei, nie było inšaha maralnaha vybaru, akramia jak padtrymać zvarot narodaŭ Paŭdniovaj Asiecii i Abchazii ab pryznańni ichniaha prava na samavyznačeńnie ŭ adpaviednaści z asnovatvornymi mižnarodnymi dakumientami».
A.Łukašenka vykazaŭ mierkavańnie «ab metazhodnaści vyniasieńnia dadzienaha pytańnia na razhlad Rady kalektyŭnaj biaśpieki ADKB i pryniaćci kansalidavanaj pazycyi dziaržavaŭ‑udzielnikaŭ». Pasiedžańnie rady planujecca pravieści 5 vieraśnia.