Pracy ŭ Biełaviežskaj puščy nie spyniacca. Pra heta zajaviŭ ministr navakolnaha asiarodździa Polščy Jan Šyška. Taki adkaz krainy na rašeńnie Suda ES, jaki vynies pastanovu ab spynieńni ŭsich rabot u Biełaviežskaj puščy da pryniaćcia kančatkovaha rašeńnia, paviedamlaje Radyjo Polšča.
«My pracujem u adpaviednaści z zakanadaŭstvam ES», — padkreśliŭ Jan Šyška ŭ chodzie pres-kanfierencyi.
«Prablema zaklučajecca ŭ tym, što my nie možam pryjści da zhody na ŭzroŭni asnovatvornych pytańniaŭ. Polšča robić zachady pa abaronie asiarodździa pražyvańnia i asobnych vidaŭ u rajonie Biełaviežskaj puščy zhodna ź jeŭrapiejskim zakanadaŭstvam», — adznačyŭ jon.
Kančatkovaje rašeńnie ab prypynieńni vysiečki dreŭ u Biełaviežskaj puščy sudździ ES prymuć paśla taho, jak aznajomiacca z arhumientami polskaha boku. Na heta ŭ Ministerstva achovy navakolnaha asiarodździa jość čas da 4 žniŭnia.
