Prezident Rasii Uładzimir Pucin prapanavaŭ deputatam Dziarždumy padumać nad uviadzieńniem prysiahi abo cyrymonii pryniasieńnia prysiahi pry ŭstupleńni ŭ rasijskaje hramadzianstva, piša VVS.
«U nas, kali ludzi ŭ vojska prychodziać, prysiahu pramaŭlajuć. Ale kali čałaviek ustupaje ŭ hramadzianstva našaj krainy, to tut taksama možna było b padumać i ŭziać dośvied niekatorych zamiežnych dziaržaŭ, kali jość klatva, prysiaha, inšy ŭračysty akt, jakim čałaviek paćviardžaje svoj namier stać hramadzianinam našaj krainy», — skazaŭ Pucin na sustrečy sa śpikieram Dziarždumy Viačasłavam Vałodzinym.
Toj u adkaz paabiacaŭ, što deputaty vyvučać mižnarodny dośviedu hetym pytańni i, z ulikam rasijskich tradycyj, prapanujuć na zaćviardžeńnie prezidentu tekst prysiahi abo klatvy na viernaść Rasii.
Pucin u chodzie sustrečy taksama zajaviŭ, što padtrymlivaje ŭniasieńnie ŭ zakanadaŭstva normu, jakaja dazvalaje adbirać rasijskaje hramadzianstva ŭ ludziej, jakija paśla jaho atrymańnia byli abvinavačanyja ŭ terarystyčnaj dziejnaści.
«Treba prakansultavacca z Kanstytucyjnym sudom, viadoma. Ale ja ŭ cełym padzialaju takuju pazicyju», — adznačyŭ jon.
