U Biełarusi startavaŭ sacyjalny prajekt «Šlach da pośpiechu» dla nieviduščych i słabaviduščych ludziej, paviedamiła karespandentu BiełTA śpiecyjalist pa prajektnaj dziejnaści ŭstanovy reabilitacyi invalidaŭ pa zroku «Centr paśpiachovaha čałavieka» Maryna Pankratava.
Prajekt uklučaje praviadzieńnie biaspłatnaha intensiŭnaha navučalnaha kursu sacyjalnaj reabilitacyi. «Na praciahu piaci dzion «kursanty» buduć asvojvać kampjutarnyja technałohii, prastoravaje aryjentavańnie z dapamohaj kija i GPS-navihacyi, karystańnie sučasnymi techničnymi srodkami sacyjalnaj reabilitacyi, stałovy etykiet, tancy, make-up - i ŭsio heta biez zrokavaha kantrolu, - adznačyła Maryna Pankratava. - Da kanca biahučaha hoda płanujecca navučyć kala 100 invalidaŭ pa zroku».
Pieršy navučalny kurs adbyŭsia z 29 maja pa 2 červienia dla piaci žycharoŭ rehijonaŭ i dvuch minčan. Takija kursy buduć prachodzić na rehularnaj asnovie. Miarkujučy pa kolkaści zajavak, achvotnych vielmi šmat - mahčymaściu asvoić patrebnyja dla žyćcia navyki chočuć skarystacca i inšaharodnija, i minčuki. Najbolšuju cikavaść vyklikajuć u ich tancavalnyja navyki i kampjutarnyja technałohii. Prajekt realizujecca ŭ partniorstvie z hramadskim abjadnańniem «Biełaruskaje tavarystva invalidaŭ pa zroku» pry finansavaj padtrymcy pasolstva ZŠA ŭ Biełarusi.
