Na kanfierencyi I/O 2017 kampanija Google raspaviała pra stvareńnie całkam aŭtanomnaha šlema virtualnaj realnaści, jakomu nie patrebien ni kampjutar, ni smartfon, ni navat siłkavańnie pa kabieli. Taksama takija šlemy nie buduć mieć patreby ŭ źniešnich markierach i kamierach dla adsočvańnia ruchaŭ.
Prajekt raźvivajecca ŭ partniorstvie z dvuma vialikimi vytvorcami elektroniki: HTC i Lenovo. Užo sioleta jany pradstaviać stvoranyja razam z Google šlemy pad ułasnymi brendami. Pryłady buduć adnymi ź pieršych, što padtrymlivajuć technałohiju WorldSense, jakaja ŭzmacniaje efiekt poŭnaj prysutnaści, dziakujučy mahčymaści fizičnaha pieramiaščeńnia ŭ prastory. Naprykład, u takim šlemie možna hulać u virtualny futboł: rabić rezkija vypady, albo, naadvarot, uchilacca ad napadu sapiernika.
Taksama navinka budzie vykarystoŭvać sistemu vizualizacyi Seurat, jakaja dazvalaje dasiahnuć vysokaj praduktyŭnaści pry nizkim enierhaspažyvańni, efiektyŭna aptymizujučy 3D-hrafiku.
Inšyja anałahičnyja pryłady patrabujuć składanych naład i zaležać ad pracy źniešnich datčykaŭ. Na kanfierencyi hledačam pakazali tolki kontury novych šlemaŭ, jakija buduć pracavać na bazie virtualnaj płatformy Daydream.
Pra košt pryłady i datu vychadu aficyjna nie paviedamlajecca, chacia vydańnie TechCrunch maje insajdarskija źviestki, što kamiercyjnaja viersija źjavicca ŭžo praź niekalki miesiacaŭ i budzie kaštavać ad 500 da 700 dalaraŭ.
