U Minsk źjaviłasia hrafici z vyjavaj čałavieka, jaki padobny da kiraŭnika BT: «Heta ja chaču zabaranić kamientavać naviny ŭ internecie», havorycca ŭ podpisie.
Nahadajem, u minułuju subotu, 8 krasavika, u «Kłubie redaktaraŭ» Hienadź Davydźka prapanavaŭ zabaranić kamientary na sajtach ŚMI.
«U «Kłubie» u nas užo sfarmiravany taki punkt hledžańnia, — zajaviŭ tady Davydźka. — Ja jaho zaraz prosta kansalidavana vykažu. Voś isnuje pravakacyjny artykuł na internet-resursie. Nu, publikujuć, usio roŭna što. Ale samaje važnaje, što jon publikujecca dziela kamientaroŭ. Dapuścim, voś hladzicie, jak dobra žyvie voś hety čałaviek. Byccam by artykuł ni pra što. I adkryvajecca šluz. To bok artykuł — heta tracił. A dalej forum - heta bikfordaŭ šnur. I tam pačynajecca kuča kamientaroŭ: «Miarzotniki! Nažom ich! Paviesić! Kryžavać!» Jak vy adnosiciesia da inicyjatyvy voś uziać i zabaranić forumy? Zabaranić abmierkavańnie artykułaŭ! Pryčym forumy ličacca jak by praciaham redakcyjnaj palityki, ale ŭ nas heta nie pracuje».
