Žychar Oršy asudžany da 15 hadoŭ kałonii ŭzmocnienaha režymu za zabojstva z asablivaj žorstkaściu. Pra heta BIEŁTA paviedamiła prakuror adździeła pa nahladzie za adpaviednaściu zakonu sudovych rašeńniaŭ pa kryminalnych spravach prakuratury Viciebskaj vobłaści Hanna Tylec.
Prysud pa p. 6 č. 2 art. 139 (zabojstva, učynienaje z asablivaj žorstkaściu) KK RB vyniesieny ŭ Oršy sudovaj kalehijaj pa kryminalnych spravach Viciebskaha abłasnoha suda.
Trahiedyja zdaryłasia ŭ lipieni 2016 hoda ŭ Oršy. Pjany 22-hadovy traktaryst zabiŭ znajomaha ćvikadzioram. Vyśvietlena, što kampanija niekalki dzion užyvała śpirtnyja napoi, zastolle pierarasło ŭ svarku pamiž dvuma maładymi ludźmi. U vyniku chłopiec u svajoj kvatery prałamaŭ hałavu tavaryšu 1990 hoda naradžeńnia — było naniesiena nie mienš za 10 udaraŭ. Pryčynaj śmierci stała adkrytaja čerapna-mazhavaja traŭma, raspaviała Hanna Tylec.
Małady čałaviek mieŭ namier pazbavicca ad cieła — vyklikaŭ taksi, a sam staŭ zavaročvać cieła ŭ dyvan, kab pavieźci dalej ad žylla. Realizavać płan nie ŭdałosia — kiroŭca taksi zapadozryŭ niadobraje i źjechaŭ biez klijenta. Praź niekatory čas chłopiec sam paviedamiŭ u milicyju pra zdareńnie.
U zakonnuju siłu prysud jašče nie ŭstupiŭ.
