U Smarhoni vyśviatlajuć abstaviny atručeńnia dvuch čałaviek, adzin ź jakich pamior, paviedamiŭ BIEŁTA aficyjny pradstaŭnik upraŭleńnia Śledčaha kamiteta pa Hrodzienskaj vobłaści Siarhiej Šaršanievič.
U noč z 22 na 23 sakavika ŭ vioscy Arechaŭka Smarhonskaha rajona ŭ 39-hadovaha miascovaha žychara rezka pahoršyŭsia stan zdaroŭja. Miedrabotniku, jaki prybyŭ pa vykliku, mužčyna paviedamiŭ, što ŭžyvaŭ z susiedkaj škłoabmyvalnik. Mužčynu ekstranna špitalizavali ŭ reanimacyjnaje adździaleńnie balnicy.
Śledčyja, jakija prybyli na miesca zdareńnia, supracoŭniki milicyi i ekśpierty vyjavili ŭ susiednim domie cieła 40-hadovaj miascovaj žycharki biez bačnych cialesnych paškodžańniaŭ.
Pry ahladzie jaje doma kanfiskavanaja płastykavaja butelka z reštkami vadkaści, jakaja nakiravanaja dla praviadzieńnia sudova-chimičnaj ekśpiertyzy. Dla vyśviatleńnia abstavinaŭ śmierci žančyny pravodzicca sudova-miedycynskaja ekśpiertyza. Śledčyja vyśvietlili, što abiedźvie asoby viali asacyjalny ład žyćcia, złoŭžyvali śpirtnymi napojami. Mužčyna nidzie nie pracavaŭ, nieadnarazova pryciahvaŭsia da administracyjnaj adkaznaści, u tym liku za źjaŭleńnie ŭ stanie ałkaholnaha apjanieńnia ŭ hramadskim miescy. Žančyna była aformlenaja sacyjalnym rabotnikam pa dohladzie za jaho baćkam.
Pravierka pa dadzienym fakcie praciahvajecca.
Z pačatku biahučaha hoda ŭ Hrodzienskaj vobłaści heta druhi fakt śmiarotnaha atručeńnia ludziej. Pieršy adbyŭsia 1 lutaha ŭ Hrodnie. U vyniku ŭžyvańnia pryniataha za śpirtnoje mietanołu dvoje mužčyn pamierli, a žančynie lekary zdoleli vyratavać žyćcio. Pravierka pa dadzienym fakcie jašče nie zavieršanaja.
