Ekstremisckaja hrupoŭka «Isłamskaja dziaržava» ŭziała na siabie adkaznaść za napad na ludziej pobač z budynkam brytanskaha parłamienta ŭ Łondanie, ździejśnieny ŭdzień 22 sakavika, paviedamlaje VVS.
Takoje paviedamleńnie hrupoŭka raspaŭsiudziła praź źviazanaje ź joj infarmacyjnaje ahienctva Amak. Da hetaha brytanskaja palicyja paviedamlała, što vykanaŭca napadu byŭ adzin, ale natchniaŭsia padobnymi pa scenary napadami prychilnikaŭ ID na ludziej u inšych krainach.
Napad byŭ ździejśnieny dniom 22 sakavika. Mužčyna naŭmysna źbiŭ na mašynie niekalkich piešachodaŭ na Viestminsterskim moście la budynka parłamienta, a zatym vybieh z aŭtamabila i nakinuŭsia z nažom na palicejskaha, paśla čaho byŭ zastreleny.
Usiaho zahinuli čatyry čałavieki, u tym liku sam napadnik i paranieny im palicejski. Akramia ich u liku achviar akazalisia dva piešachody. Taksama ŭ vyniku incydentu kala 40 čałaviek atrymali traŭmy, 29 ź ich usio jašče ŭ balnicy, siem — u krytyčnym stanie.
Ułady kvalifikavali zdareńnie jak terakt. Za noč palicyja ździejśniła rejdy pa šaści adrasach u Łondanie, Birminhiemie i inšych haradach, sprabujučy znajści ludziej, mahčyma źviazanych z napadnikam. Pakul zatrymanyja siem čałaviek.
