fota Siarhieja Hudzilina
Błohier Eduard Palčys ličyć, što ŭłady robiać vialikuju pamyłku, kali zatrymlivajuć tych, chto źbiraŭsia zaścierahać udzielnikaŭ akcyi 25 sakavika ad niebiaśpieki i pravakacyjaŭ:
«Ułady vielmi pierapałochalisia pratestaŭ i stali chapać usich, chto tearetyčna ŭ ichnym ujaŭleńni moža prajavić niejkuju aktyŭnaść; usich, u kaho jość minimalnyja liderskija ambicyi i jakaści. Vidavočna, što ŭłady aścierahajucca, što niechta moža ŭznačalić pratest. Ale pamyłka ŭładaŭ u tym, što hety pratest — całkam nizavy, i kali treba, tam buduć uźnikać svaje lidery. Tamu masavymi zatrymańniami tradycyjnych aktyvistaŭ ułady tolki pakazvajuć svoj strach, tamu što ŭsie ludzi razumiejuć, što ŭłady vielmi mocna napałochanyja. Daremna jany heta robiać, tym bolš što znoŭ padstaŭlajuć krainu pad mižnarodnyja sankcyi.
Vielmi daremna ŭłady zatrymali tych, chto źbiraŭsia achoŭvać akcyju i nie dapuskać pravakacyjaŭ. Toj ža Źmicier Daškievič byŭ davoli abyjakavy da hetych pratestaŭ. Spačatku jon prosta chacieŭ pajści na Dzień Voli jak na siamiejnaje śviata. Ale paśla napadu ŭ Kurapatach jon zrazumieŭ, što ŭłady razhladajuć varyjant napadu i padčas akcyi. Tamu jon vyrašyŭ zaścierahać ad niebiaśpieki ludziej na akcyi, ale nie vystupać i nia być lideram».
Palčys prahnazuje, što paśla masavych zatrymańniaŭ i aryštaŭ Biełaruś moža ŭpaści ŭ ekanamičnuju i sacyjalnuju depresiju:
«Faktyčna ŭłady robiać toje samaje, što rabili ŭ 2010-2011 hadach. I jany nia ŭličvajuć, što paśla takich chapunoŭ kraina zvyčajna ŭpadaje ŭ vielmi hłybokija depresii — ekanamičnyja, sacyjalnyja i palityčnyja».
