Vital Dziuk, Vasil Korabaŭ, Edvard Dmuchoŭski, Iosif Kurčeŭski, Valancina Navumava pierad sudom 23 sakavika
U Leninskim sudzie Hrodna 23 sakavika asudzili šerah udzielnikaŭ akcyjaŭ «niedarmajedaŭ».
Siarod padsudnych byli nie tolki hramadskija aktyvisty, a i zvyčajnyja ludzi. Vital Dziuk (jamu prysudzili štraf u 15 bazavych vieličyń — 435 rubloŭ) niadaŭna skončyŭ budaŭničaje vučylišča i ź minułaha hodu nie moža znajści pracy. Valancina Navumava (taki ža štraf) — sacyjalny rabotnik, dahladaje niamohłych ludziej. Valery Kurčeŭski (taki ža štraf) — vajskovy piensijanier, padčas mitynhu 15 sakavika jon abviaściŭ chvilinu maŭčańnia pa zahinuŭšych u Skidzieli rabotnicach cukrovaha kambinata. Vasil Korabaŭ (7 bazavych vieličyniaŭ) — piensijanier, siabra prafsajuza REP.
Pravaabaronca Edvard Dmuchoŭski, zajaviŭ paśla pierapynku ŭ pracesie, što čakaje aryštu. U vyniku jon atrymaŭ 15 sutak.
Anton Vojciechaŭ, siabra BCHD, u sud nie źjaviŭsia pa nieviadomych pryčynach, jahony telefon nie adkazvaje. Mikałaj Salanik znachodzicca ŭ špitali, ale jaho proźvišča paznačana ŭ raskładzie sudovych pracesaŭ. Prysud jamu mohuć vynieści zavočna.
