Lehiendarny narviežac Ule-Ejnar Bjorndalen, jaki žanaty z trochrazovaj alimpijskaj čempijonkaj, biełaruskaj bijatłanistkaj Darjaj Domračavaj, u intervju Dagbladet vykazaŭ nadzieju, što ich dačka Ksienija, kali stanie spartsmienkaj, budzie vystupać za Narviehiju, piša Tut.by.
Nahadajem, što Ksienija naradziłasia 1 kastryčnika 2016 hoda ŭ Minsku. Bjorndalen adznačyŭ, što jana sama pavinna vyrašyć, jakuju krainu pradstaŭlać, kali pojdzie pa śladach baćkoŭ i pačnie zajmacca bijatłonam.
— Dla pačatku jana pavinna navučycca katacca na łyžach, i hałoŭnaje, kab joj heta padabałasia. Ciapier składana skazać, kim jana stanie — łyžnicaj, bijatłanistkaj abo abiare niešta jašče … U jaje jość usie mahčymaści. Ale samaje hałoŭnaje, kab u jaje było dobraja žyćcio.
Što tyčycca taho, za jakuju krainu vystupać, to da 18 hadoŭ u jaje buduć dva hramadzianstvy. A paśla hetaha joj daviadziecca rabić vybar. I tut užo napeŭna šmat budzie zaležać ad taho, chto i jak budzie ciahnuć za niejkija nitački.
— Ale vy spadziajeciesia, što jana budzie vystupać za Narviehiju, kali rušyć pa śladach baćkoŭ?
— Tak, viadoma ž, — sa śmiecham adkazaŭ vaśmirazovy alimpijski čempijon Bjorndalen.
