Śmiarotnaja avaryja z udziełam matacyklista adbyłasia 4 sakavika, kala 22.05, u Pružanach. Pra heta paviedamili ŭ DAI UUS Bresckaha abłvykankama.
Pavodle papiaredniaj infarmacyi, 18-hadovy kiroŭca matacykła Yamaha jechaŭ pa vulicy Savieckaj. Pry abhonie aŭtamabila Mercedes jon ździejśniŭ najezd na 22-hadovuju dziaŭčynu, jakaja pierachodziła prajeznuju častku pa piešachodnym pierachodzie.
Paśla najezdu matacyklist nie spraviŭsia z kiravańniem bajka, dapuściŭ jaho padzieńnie i sutyknieńnie z bardziurnym kamieniem.
U vyniku DTZ matacyklist ad atrymanych traŭmaŭ pamior na miescy zdareńnia. Piešachod ŭ ciažkim stanie (palitraŭmaj, pierałom abiedźviuch noh) dastaŭlena ŭ balnicu.
Pa fakcie avaryi pravodzicca pravierka. Viadoma, što chłopiec nie mieŭ prava kiravańnia matacykłam.
