Sajuz Jeŭrapiejskich futbolnych asacyjacyj pieraličyć 150 młn jeŭra kłubam, čyje futbalisty pryciahvalisia ŭ nacyjanalnyja zbornyja dla ŭdziełu ŭ kvalifikacyi i finalnaj stadyi Jeŭra-2016. Siarod 641 kłuba jość 8 biełaruskich kamand. Takaja infarmacyja raźmieščanaja na aficyjnym sajcie UEFA, paviedamlaje BIEŁTA.
Biełaruskija kłuby atrymajuć u sumie bolš za 530 tys. jeŭra: barysaŭski BATE — 283,4 tys., minskaje «Dynama» — 131,4 tys., salihorski «Šachcior» - 64,8 tys., «Homiel» — 26,3 tys., «Minsk» i hrodzienski «Nioman» — pa 8,9 tys., mazyrskaja «Słavija» i žodzinskaje «Tarpieda-BiełAZ» — pa 4,5 tys. jeŭra.
Prezident UEFA Alaksandr Čefieryn skazaŭ z nahody vypłat: «Pryjemna bačyć, što my zdolnyja akazać finansavuju dapamohu stolkim kłubam samaha roznaha kalibra i papularnaści i ŭznaharodzić ich takim čynam za ŭniosak u Jeŭra-2016. Dzielačysia prybytkam ad u najvyšejšaj stupieni paśpiachovaha čempijanatu Jeŭropy, my praciahvajem padtrymlivać raźvićcio futboła ŭ jeŭrapiejskich asacyjacyjach».
Čempijanat Jeŭropy-2016 prajšoŭ minułym letam na futbolnych arenach Francyi. Tytuł najlepšaj kamandy Staroha Śvietu zavajavała zbornaja Partuhalii, jakaja abyhrała ŭ vyrašalnym pajadynku za zołata francuzaŭ 1:0 u dadatkovy čas.
