Novy hrafik ruchu ciahnikoŭ na 2016-2017 hady ŭvodzicca na Biełaruskaj čyhuncy z 11 śniežnia, paviedamili ŭ pres-centry BČ.
U hrafiku na 2016-2017 hady praduhledžana kursiravańnie 36 par ciahnikoŭ haradskich linij pa maršrutach Minsk-Biełaruś, Minsk-Rudziensk i Minsk-Smalavičy.
U rehijanalnych znosinach z 11 śniežnia budzie 21 para ciahnikoŭ biźnies-kłasa i 340 par ciahnikoŭ ekanomkłasa. U mižrehijanalnych znosinach praduhledžana kursiravańnie 42 par ciahnikoŭ, u tym liku 4 ciahniki ekanomkłasa pieraviedzieny ŭ katehoryju biźnies-kłasa.
BČ źbirajecca zrabić chutkimi i kamfortnymi pajezdki jak pamiž stalicaj i abłasnymi centrami, tak i pamiž vialikimi haradami Biełarusi. Pa maršrucie Homiel-Mahiloŭ budzie kursiravać ciahnik biźnies-kłasa numar 720/719, jaki zamienić ciahnik ekanomkłasa numar 654/653. Akramia taho, paśla zaviaršeńnia pryjomačnych vyprabavańniaŭ i hatoŭnaści da ekspłuatacyi pastupiŭšych na darohu ŭ druhoj pałavinie 2016 hoda kamfartabielnych dyziel-ciahnikoŭ - zamiest ciahnika ekanomkłasa numar 645/646 Viciebsk-Mahiloŭ budzie naznačany ciahnik biźnies-kłasa numar 705/706, maršrut jakoha pradoŭžany da Połacka. Nazvanyja ciahniki buduć kursiravać štodzień.
Na napramku Minsk-Homiel na pastajannaj asnovie praduhledžana kursiravańnie ciahnika biźnies-kłasa numar 716/715. Taksama praduhledžana kursiravańnie novaha ciahnika numar 717/718 Homiel-Minsk pa piatnicach i niadzielach, pa pieradvychadnych i śviatočnych dniach.
Akramia taho, z 11 śniežnia elektraciahniki mižrehijanalnych linij biźnies-kłasa numar 707/708 Homiel-Minsk i numar 710/709 Minsk-Homiel buduć kursiravać pa piatnicach, vychadnych, pieradśviatočnych i śviatočnych dniach zdvojenym sastavam (14 vahonaŭ). Rašeńnie pryniata dla zadavalnieńnia popytu pasažyraŭ na hetym napramku.
U mižnarodnych znosinach Biełaruskaj čyhunkaj u hrafiku na 2016-2017 hady praduhledžana kursiravańnie 56 par ciahnikoŭ, 36 ź ich - farmiravańnia BČ i 20 par ciahnikoŭ - farmiravańnia inšych čyhunačnych administracyj. Buduć zachavany dziejučyja maršruty da Čarnamorskaha ŭźbiarežža, jakija źviazvajuć Biełaruś z Adleram, Anapaj, Novaalaksiejeŭkaj, Adesaj, Sočy i Chiersonam.
Taksama ŭ novym hrafiku pa asobnych pieryjadach pavyšanaha popytu vyznačanyja ciahniki ŭ znosinach z Rasijaj - numar 50/49 Brest-Sankt-Pieciarburh, numar 78/77 Hrodna-Maskva, numar 132/131 Brest-Maskva. Hetyja ciahniki buduć kursiravać štodzień z 22 śniežnia 2016 hoda pa 9 studzienia 2017-ha, u 2017 hodzie - z 23 sakavika pa 3 krasavika, z 27 krasavika pa 10 maja, z 1 červienia pa 31 žniŭnia, z 26 kastryčnika pa 8 listapada.
Bolš padrabiazna z raskładam ruchu ciahnikoŭ možna aznajomicca ŭ čyhunačnych kasach, pa telefonach daviedačnych słužbaŭ, a taksama na sajcie BČ.
