U Minsku junak na aŭtamabili Dodge urezaŭsia ŭ aśviatlalnuju mačtu, paviedamiła staršy inśpiektar pa ahitacyi i prapahandzie ADAI Maskoŭskaha RUUS stalicy Luboŭ Trapaška.
DTZ adbyłosia ŭ niadzielu a 5.45 na źniešnim kalcy MKAD. «Pry ruchu z vuł.Mantažnikaŭ u napramku vuł.Hromava kiroŭca 1997 naradžeńnia na aŭtamabili Dodge sutyknuŭsia z aśviatlalnaj mačtaj», - raspaviała Luboŭ Trapaška. Kiroŭca špitalizavany z traŭmami i apiokami.
Jak miarkujecca, kiroŭca zasnuŭ za rulom i na chutkaści ŭrezaŭsia ŭ mačtu: papiarednija dadzienyja śviedčać ab tym, što tarmaznoha šlachu nie było. «Ciapier pravodzicca pravierka, vyśviatlajucca ŭsie abstaviny zdareńnia», — dadała Luboŭ Trapaška.
Dziaržaŭtainśpiekcyja nahadvaje kiroŭcam, što pry drennym samaadčuvańni, stomlenaści, niedasypie znachodzicca za rulom vielmi niebiaśpiečna, tamu ŭ takich vypadkach lepš na čas adkłaści pojezdku.