Łava znachodzicca na tym baku płoščy Jakuba Kołasa, jaki bližej da CUMa. Jana ŭjaŭlaje saboj mietaličnuju kanstrukcyju z palicaj dla knih, na jakoj stajać tvory kłasika. Luby achvotny moža tut prysieści i pačytać ich. Užo na dniach knih stanie bolš.
Akramia taho, možna padłučyć navušniki ŭ razdym i pasłuchać uryŭki z tvoraŭ kłasika ŭ vykanańni narodnaha artysta Biełarusi, artysta Nacyjanalnaha akademičnaha teatra imia Janki Kupały Hienadzia Aŭsiańnikava.
U zapisach jość uryvak z tryłohii «Na rostaniach», uryvak z paemy «Novaja ziamla», uryŭki z paemy «Symon-muzyka», a taksama vieršy — «Ja chaču ab tabie…», «Na rečcy zimoju», «Z Rabindranata Tahora».
Abjekt stvorany Minharvykankamam sumiesna z «Minskrekłamaj» i publičnymi biblijatekami horada śpiecyjalna da Dnia horada i Dnia biełaruskaha piśmienstva ŭ miežach prajekta «Ja Minsk».
«Kožny, chto čakaje svoj aŭtobus, zmoža prysieści ŭ cieni zialonaj krony, zabycca na mituśniu i dałučycca da bahaćcia biełaruskaj kulturnaj spadčyny», — raspaviali arhanizatary prajekta.
