Na sajcie Nacyjanalnaha pravavoha partała apublikavanaja pastanova Minharvykankama «Ab nazvach stancyj druhoha ŭčastka treciaj linii i čaćviortaj linii Minskaha mietrapalitena».
Jak vynikaje z dakumienta, stancyi druhoha ŭčastka treciaj linii mietro buduć nazyvacca:
stancyja, raźmieščanaja na skryžavańni praśpiekta Pieramožcaŭ i vulicy Mielnikajte, — «Prafsajuznaja»;
na skryžavańni praśpiekta Mašerava i vulicy Krapotkina — «Piarespa»;
na skryžavańni vulic Maksima Bahdanoviča i Viery Charužaj — «Kamaroŭskaja»;
na skryžavańni vulic Maksima Bahdanoviča i Surhanava — «Park Družby Narodaŭ»;
na skryžavańni vulic Maksima Bahdanoviča i Chałturyna — «Ivana Mieleža»;
na skryžavańni vulic Šyrokaj i Uschodniaj — «Zialony Łuh»;
na skryžavańni Łahojskaha traktu i vulicy Hamarnika — «Łahojskaja».
Stancyjam čaćviortaj linii mietro prysvojenyja nazvy:
raźmieščanaj na skryžavańni vulic Taškienckaj i Haładzieda — «Čyžoŭka»;
na skryžavańni vulicy Malinina i praśpiekta Rakasoŭskaha — «Aziornaja»;
na skryžavańni vulicy Plachanava i praśpiekta Rakasoŭskaha — «Šejpičy»;
na skryžavańni vulic Aleha Kašavoha i Vaniejeva z praśpiektam Rakasoŭskaha — «Sierabranka»;
na skryžavańni vulic Aleha Kašavoha i Daŭhabrodskaj z bulvaram Traktarabudaŭnikoŭ — «Daŭhabrodskaja»;
na skryžavańni vulic Uralskaj i Frolikava — «Ślapianka»;
na skryžavańni vulic Płatonava i Akademičnaj — «Bataničny sad»;
na skryžavańni praśpiekta Niezaležnaści i vulicy Surhanava — «Drukarskaja»;
na skryžavańni vulic Maksima Bahdanoviča, Arłoŭskaj i Surhanava — «Maksima Bahdanoviča».
Pavodle infarmacyi, apublikavanaj na sajcie Minskaha mietrapalitena, adkryćcio 3-j i 4-j linij zapłanavanaje na 2017—2035 hady.
Budaŭnictva 3-j linii praciahłaściu 17,2 kiłamietra ŭžo viadziecca. Jaje pieršuju čarhu, jakaja ŭklučaje čatyry stancyi, płanujecca ŭvieści ŭ stroj u 2017 hodzie. Praciahłaść 4-j linii mietro składzie 15 kiłamietraŭ.
