Paśla čarhovaha raŭndu hałasavańnia za novaha lidara Kansiervatyŭnaj partyi Vialikabrytanii z honki vybyŭ ministr justycyi Majkł Hoŭv.
Ciapier na ahulnapartyjnaha vybary lidara - jaki zatym aŭtamatyčna stanie kiraŭnikom kabinieta ministraŭ — buduć vyłučany dva čałavieki, što zastalisia ŭ honcy kandydatury: kiraŭnik MUS Tereza Mej i ministr enierhietyki Andrea Ledsam.
Heta aznačaje, što druhi raz u historyi Złučanaha Karaleŭstva premjer-ministram stanie žančyna, paśla taho jak z 1979-ha pa 1990 hady kabiniet ministraŭ ŭznačalvała Marharet Tetčer.
Tory sutyknulisia ź nieabchodnaściu vybaru novaha lidara partyi, paśla taho jak Devid Kemieran abviaściŭ, što sychodzić u adstaŭku z-za vynikaŭ refierendumu ab vychadzie Brytanii ź Jeŭrasajuza.
Kemieran uznačalvaŭ łahier praciŭnikaŭ vychadu ź ES i prajhraŭ. Novy premjer-ministr, jak čakajecca, pavinien budzie pačać praceduru «breksitu», za jaki prahałasavała bolšaść brytancaŭ.