Usierasijskaja fiederacyja valejboła paćvierdziła, što ŭ dopinh-sprobie hulca rasijskaj zbornaj Alaksandra Markina vyjaŭlenyja ślady mieldonija, jaki z 1 studzienia ŭniesieny ŭ śpis zabaronienych preparataŭ.
Sprava Markina budzie razhladacca Mižnarodnaj fiederacyjaj valejboła 19 krasavika.
Raniej u rasijskich ŚMI sa spasyłkaj na krynicy źjaviłasia infarmacyja pra vyjaŭleny mieldonij u dopinh-probach jašče niekalkich rasijskich spartoŭcaŭ: zhadvalisia, u pryvatnaści, imiony alimpijskaha čempijona pa šort-treku Siamiona Jelistratava, piacirazovaha čempijona śvietu pa kańkabiežnym sporcie Paŭła Kuližnikava i čempijona śvietu pa ciažkaj atletycy Alaksieja Łoŭčava.
U paniadziełak ab vyjaŭlenym ŭ jaje dopinh-sprobie mieldonija abviaściła znakamitaja rasijskaja tenisistka Maryja Šarapava. Pavodle jaje słoŭ, jana nie zaŭvažyła, što preparat, jaki jana prymała ciaham 10 hadoŭ, zabaranili.
Da hetaha mieldonij taksama znajšli ŭ dopinh-sprobach fihurystki Kaciaryny Babrovaj i viełahonščyka Eduarda Varhanava.
Mieldonij, viadomy taksama jak miłdranat, spryjaje chutkamu adnaŭleńniu kletak pry mocnych fizičnych nahruzkach. Da 1 studzienia hetaha hoda preparat nie byŭ zabaronieny dla ŭžyvańnia prafiesijnym spartsmienam.
