Šmathadovy sponsar Maryi Šarapavaj kampanija Nike prypyniła supracoŭnictva ź joj paśla taho, jak tenisistka zdała stanoŭčy test na miłdranat.
«My rasčaravanyja i ździŭleny navinami ab Maryi Šarapavaj. My vyrašyli zamarozić našy adnosiny z Maryjaj da zaviaršeńnia rasśledavańnia. My praciahniem sačyć za situacyjaj», - havorycca ŭ zajavie.
Nahadajem, dziejny kantrakt Šarapavaj z Nike zaklučany na vosiem hadoŭ i zakančvajecca ŭ 2018-m. Jaho suma składaje 70 000 000 dalaraŭ.
Žurnalist brytanskaj Telegraph Olivier Braŭn prakamientavaŭ pakarańnie, jakoje pahražaje Maryi Šarapavaj za pryjom miłdranatu.
«Šarapavu čakajuć čatyry hady dyskvalifikacyi, kali budzie vyjaŭlena, što jana prymała mieldonij naŭmysna, kab palepšyć svaje vyniki. Dva hady - kali nienaŭmysna», - napisaŭ žurnalist u tvitery.
Advakat Šarapavaj Džon Chehierci zajaviŭ, što ŭ spravie jość mnostva źmiakčalnych abstavinaŭ, i ciapier vyrašajecca pytańnie, jakija ź ich buduć vykarystoŭvacca pry pryniaćci rašeńnia. Pavodle jaho słoŭ, jość varyjant, što Šarapava naohuł nie budzie pakarana.
Miłdranat byŭ uklučany ŭ zabaronieny śpis WADA z 1 studzienia 2016 hoda. Jon adnosicca da kłasa harmonaŭ i mietabaličnych madulataraŭ.
