Kurdskaja ŭzbrojenaja hrupoŭka «Jastraby vyzvaleńnia Kurdystana» ŭziała na siabie adkaznaść za vybuch u Ankary, achviarami jakoha stali 28 čałaviek. U zajavie hrupoŭki havorycca, što terakt ździejśnieny ŭ adkaz na palityku prezidenta Turcyi Redžepa Taipa Erdahana.
Niepasrednym vykanaŭcam teraktu ŭ zajavie nazvany 26-hadovy hramadzianin Turcyi, uradženiec horada Van na ŭschodzie krainy.
Hrupoŭka «Jastraby vyzvaleńnia Kurdystana» raniej była źviazana z Rabočaj partyjaj Kurdystana, ale ŭ 2015 hodzie abviaściła pra razryŭ adnosin ź joju.
Terakt u Ankary byŭ ździejśnieny ŭviečary 17 lutaha. Pobač z aŭtobusam, jaki pieravoziŭ vajskoŭcaŭ, vybuchnuŭ zaminavany aŭtamabil. Bomba spracavała, kali aŭtobusy spynilisia na śviatłafory.
0
0
0
0
0
0