Šmat chto ź ipešnikaŭ nie hatovy pracavać paśla ŭstupleńnia ŭ siłu Ukaza № 222. Fota Iryny Arachoŭskaj
Ukaz № 222 «Ab rehulavańni pradprymalnickaj dziejnaści i realizacyi tavaraŭ indyvidualnymi pradprymalnikami i inšymi fizičnymi asobami» admianiacca nie budzie, zajaviŭ u intervju telekanału «Biełaruś 1» ministr handlu Biełarusi Uładzimir Kałtovič.
«Padkreślu jašče raz. Prezidentam daručana zabiaśpiečyć roŭnyja ŭmovy pracy na rynku. 222-hi ŭkaz ŭstupiŭ u siłu i admianiacca jon nie budzie. Zadača ŭłady i biźniesu — sieści i razabracca biez emocyj, jak pracavać va ŭmovach hetaha ŭkaza. Što, ułasna, i robicca na placoŭcy Minekanomiki (rabočaja hrupa pa pytańniach dziejnaści indyvidualnych pradprymalnikaŭ pry hramadska-kansultatyŭnym (ekśpiertnym) saviecie pa raźvićciu pradprymalnictva. — Zaŭvaha BIEŁTA). Tam vypracoŭvajecca miechanizm uzajemadziejańnia», — skazaŭ ministr.
«Ułada zacikaŭlena ŭ tym, kab biznes pracavaŭ», — padkreśliŭ Uładzimir Kałtovič.
Jon nahadaŭ, što ŭ Biełarusi stvorana sistema aptovych baz, i niadaŭna na hetuju temu z udziełam pradprymalnikaŭ praviedziena videakanfierencyja.
«Bazy hatovyja zavieźci tavar pad zajaŭku. Zrazumieła, što pry vykanańni ŭsich pracedur toj maržy, jakuju atrymlivali IP, nie budzie. Bo baza nie zanižaje ŭvachodnyja canu. Baza płacić usie padatki i pracuje «ŭ biełuju», — raskazaŭ ministr. — Darečy, u nas za hety pieryjad zaklučana 12 tys. dahavoraŭ. I heta śviedčyć pra toje, što tyja, chto choča pracavać u roŭnych umovach, prymaje hetyja praviły hulni, toj pracuje».
Jak paviedamlałasia, ukaz №222 ad 16 maja 2014 hoda ŭ pryvatnaści praduhledžvaje nieabchodnaść mieć na ŭsie realizujemyja tavary dakumienty, jakija paćviardžajuć ich nabyćcio.
