Aršanskim vyratavalnikam daviałosia dastavać sa sklepa karovu i novanarodžanaje ciala, paviedamili ŭ Viciebskim abłasnym upraŭleńni MNS.
Paviedamleńnie pra karovu, jakaja pravaliłasia ŭ sklep, pastupiła vyratavalnikam siońnia ŭ 11.45 ad haspadyni padvorka vioski Jesipava Aršanskaha rajona. Na miescy ratavalniki vyśvietlili, što na terytoryi pryvatnaha domaŭładańnia ŭ draŭlanym chlavie ŭ sklepie, zakrytym doškami, na hłybini 3 m znachodziacca karova i ciala. Akazałasia, što kala dvuch tydniaŭ tamu karova pravaliłasia ŭ sklep. Pakolki jana znachodziłasia ŭ stadyi cialeńnia, haspadynia pryniała rašeńnia nie dastavać žyviołu.
Učora karova acialiłasia, i haspadynia źviarnułasia pa dapamohu na liniju 101. Supracoŭniki MNS pry dapamozie krana i vyratavalnych viarovak paśpiachova vyciahnuli karovu i ciala. Padčas vyratavalnaj apieracyi žyvioły nie paciarpieli i ŭ dapamozie vieterynara nie majuć patreby.
