Jak raspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ, atłantyčnyja cykłony i źviazanyja ź imi atmaśfiernyja franty pryniasuć na našu terytoryju ciopłyja i vilhotnyja pavietranyja masy z akijana.
Fota Siarhieja Zinina
26 studzienia, u aŭtorak, nočču miescami mahčymy nievialiki śnieh, dniom u mnohich rajonach projduć mokry śnieh i doždž. Na hety dzień śpiecyjalisty abviaścili štarmavoje papiaredžańnie: nočču i ranicaj na bolšaj častcy terytoryi, dniom miescami čakajecca tuman. U asobnych rajonach hałalod, nalipańnie mokraha śniehu, na darohach hałalodzica. Tempieratura pavietra minimalnaja nočču -1 -7°S, pa ŭschodzie -8 — -13°S; maksimalnaja dniom ad + 3°S pa zachadzie da -5°S pa ŭschodzie.
U sieradu, 27 studzienia, časam mahčymy apadki ŭ vyhladzie daždžu i mokraha śniehu. Miescami tuman, hałalod, na darohach hałalodzica. Tempieratura pavietra minimalnaja nočču -5 — + 2°S, maksimalnaja dniom 0 + 6°S.
28 studzienia časam apadki, u asnoŭnym doždž. U asobnych rajonach tuman. Nočču i ranicaj pa ŭschodzie słaby hałalod, na darohach hałalodzica. Dniom pa paŭnočnym zachadzie ŭzmacnieńnie vietru paryvami da 15—18 m/s. Tempieratura pavietra minimalnaja nočču -1 — + 5°S, maksimalnaja dniom 0 — + 7°S.
29 studzienia, u piatnicu, niaŭstojlivaje nadvorje zachavajecca. Miescami buduć iści mokry śnieh i doždž. U asobnych rajonach tuman, hałalod. Nočču i ranicaj na darohach miescami hałalodzica. Tempieratura pavietra minimalnaja nočču -5 — + 2°S, maksimalnaja dniom -1 — + 5°S.
U vychodnyja čakajecca daždžlivaje nadvorje: da apadkaŭ dadasca i paryvisty viecier.
