MNS vyniesła zabaronu niekatorym handlovym centram u Minskaj vobłaści z-za niebiaśpiečnaj ekspłuatacyi dachaŭ, paviedamili ŭ abłasnym upraŭleńni MNS.
«Na pasiadžeńni kamisii pa nadzvyčajnych situacyjach pry Minskim abłvykankamie, jakoje prajšło viečaram 15 studzienia, pa patrabavańni načalnika Minskaha abłasnoha ŭpraŭleńnia MNS vyniesiena zabarona na ekspłuatacyju šeraha bujnych handlovych centraŭ da zabieśpiačeńnia biaśpiečnaj ekspłuatacyi dachaŭ», - prainfarmavali va ŭpraŭleńni.
Abjekty handlu byli pryznany patencyjalna niebiaśpiečnymi pa pryčynie adsutnaści kantrolu za stanam dachu i nie pryniaćcia mier pa ačystcy ad śniehu.
U śpis trapili takija handlovyja centry, jak «Karona» i «Jeŭraopt» u Barysavie, «AŁMI» ŭ Maładziečnie, «Raduha» ŭ Słucku.
Jak adznačajecca ŭ paviedamleńni viedamstva, tolki paśla hetaha kiraŭniki pačali ŭborku śniehu, choć zrabić heta jany pavinny byli adrazu. Takaja miera źjaŭlajecca vymušanaj, pakolki prykładaŭ, kali dachi nie vytrymlivali ciažaru śniehu, davoli šmat u krainie i za miažoj.
«Ema» pryniasie jašče śniehu. Vyšynia śniežnaha pokryva vyraście na 10-15 sm. Šancu na pamyłku niama, pakolki na kon pastaŭleny čałaviečyja žyćci, tamu i było pryniata adpaviednaje rašeńnie», - padkreślili ŭ abłasnym UMNS.
