Viarchoŭny sud Japonii pakinuŭ u sile zakon, zhodna ź jakim u šlubnych par pavinna być adno proźvišča.
Getty
Sud nie ŭdakładniŭ, chto mienavita z muža i žonki pavinien mianiać svajo proźvišča pry zaklučeńni šlubu, adnak baraćbity za pravy žančyn užo daŭno zmahajucca za skasavańnie hetaha zakona, bo tradycyjna proźvišča mianiajuć tolki žančyny.
Jany nazyvajuć zakon dyskryminacyjnym i archaičnym. U sud źviarnulisia piać žančyn, jakija pratestujuć suprać zakona ab abaviazkovym źmianieńni proźvišča.
U adpaviednaści z zakonam, pryniatym u 1896 hodzie, zaklučeńnie zakonnaha šlubu mahčyma tolki pry ŭmovie, što muž i žonka prymuć adno proźvišča. Pry hetym u 96% vypadkaŭ proźvišča mianiaje žančyna, što lišni raz padkreślivaje daminavańnie mužčynskaha połu ŭ japonskim hramadstvie.
Pavodle apytańnia, praviedzienaha libieralnaj hazietaj Asahi Shimbun ŭ listapadzie, 52% respandentaŭ vystupajuć za prava vybirać proźvišča, a 34% suprać.
Sud taksama pastanaviŭ, što inšy zakon, jaki zabaraniaŭ žančynie vychodzić zamuž na praciahu pieršych šaści miesiacaŭ paśla razvodu, supiarečyć kanstytucyi. Sud, adnak, tolki skaraciŭ hety pieryjad čakańnia da sta dzion. Abodva zakony byli pryniatyja bolš za sto hadoŭ tamu nazad.
Kansiervatary ŭ Japonii śćviardžajuć, što źmieny ŭ isnujučaj sistemie padarvuć stabilnaść hramadstva.
