Saudaŭskaja Aravija zapatrabavała ad Rasii spynić vajennuju apieracyju ŭ Siryi, paviedamlaje ŭ čaćvier, 1 kastryčnika, Reuters sa spasyłkaj na telekanał «Al-Arabija».
Ministr zamiežnych spraŭ Saudaŭskaj Aravii Adel Al-Džubiejr. Fota: AP
Pastajanny pradstaŭnik Saudaŭskaj Aravii ŭ AAN Abdała al-Mualem zapatrabavaŭ ad Rasii spynić vajennuju apieracyju ŭ Siryi. Pavodle jaho słoŭ, rasijskija avijaŭdary byli naniesienyja pa terytoryi, dzie nie było bajevikoŭ «Isłamskaj dziaržavy».
Abdała al-Mualem skazaŭ, što Saudaŭskaja Aravija vykazvaje «hłybokuju zaniepakojenaść» u suviazi ź dziejańniami Rasii ŭ Chomsie i Chamie. Pa dadzienych Saudaŭskaj Aravii, avijaŭdary Rasii pryviali da achviaraŭ siarod mirnaha nasielnictva.
Dypłamat dadaŭ, što krainy, jakija niadaŭna dałučylisia da baraćby suprać «Isłamskaj dziaržavy», nie mohuć zmahacca z terarystami, samastojna padtrymlivajučy pry hetym «terarystyčny siryjski režym».
