Italjanskaja kampanija Centro Sviluppo Progetti ŭ miežach prajekta WASP stvaryła budaŭničy 3D-prynter The BigDelta, jaki sami supracoŭniki kampanii nazyvajuć najvialikšym u śviecie 3D-pryntaram.
Novuju techniku pradstavili 18—20 vieraśnia ŭ kamunie Masa-Łambarda, Italija. Bolš padrabiazna pra prantar The BigDelta možna pračytać na sajcie prajekta WASP.
Dyjamietr karkasa 3D-pryntara The BigDelta składaje 6 mietraŭ, a ŭ vyšyniu jon dasiahaje 12 mietraŭ.
Dla stvareńnia abjektaŭ pryntar moža vykarystoŭvać zvyčajnuju hlinu z damieškami ci zvyčajny bieton na asnovie cemientu.
Jak kažuć stvaralniki The BigDelta, pryntar zdolny drukavać nievialikija damy całkam z padručnych materyjałaŭ, što robić jaho vielmi karysnym u budaŭnictvie tannaha žylla dla biednych słajoŭ nasielnictva z ulikam taho, što nasielnictva Ziamli chutka raście.
Taksama The BigDelta moža dapamahčy ŭ rajonach stychijnaha biedstva, nadrukavaŭšy časovaje žyllo dla paciarpiełych.
