Biełaruś płanuje zapuścić Biełaruski kaśmičny aparat BKA-2 u kosmas u 2017 hodzie, zajaviŭ žurnalistam staršynia Prezidyuma NAN Biełarusi Uładzimir Husakoŭ.
Heta budzie kaśmičny aparat dystancyjnaha zandavańnia Ziamli vysokaj stupieni raspaznavańnia.
«Pavodle našych raźlikaŭ, my płanujem zapusk na 2017 hod. Ale heta kali ŭsio budzie dobra», — padkreśliŭ Uładzimir Husakoŭ.
Jon rastłumačyŭ, što niadaŭna NAN Biełarusi padpisała damovu z karparacyjaj «Raskosmas» ab stvareńni takoha aparata. «Harantavana možna skazać, što my znachodzimsia na stadyi aktyŭnaj raspracoŭki. Kali pierad hetym vialisia pieramovy, byli sumnievy, my ŭdakładniali pazicyi pa finansavańni, kamplektavańni, elektronicy, dyk ciapier užo dakładna vyznačylisia: budziem zapuskać spadarožnik z rasijskimi kalehami», — dadaŭ staršynia prezidyuma NAN.
Pa słovach Uładzimira Husakova, latalnyja aparaty BKA i BKA-2 buduć vonkava padobnyja, adnak buduć mieć pryncypovaje adroźnieńnie ŭ načyńni, u pryvatnaści, u stupieni raspaznavańnia. «Kali ŭ isnujučym spadarožniku dvuchmietrovaje raspaznavańnie, to ŭ novym płanujecca mienš mietra (submietrovaje)», — skazaŭ jon.
Novy latalny aparat budzie mieć na borcie elektroniku biełaruska-rasijskaj vytvorčaści i mieć bolš vysokuju nadziejnaść.
