Hienieralny dyrektar JUNIESKA Iryna Bokava vykazała hłybokaje škadavańnie ŭ suviazi z razbureńniem chrama Beła ŭ Palmiry (Siryja), adnaho z najbolš važnych relihijnych pomnikaŭ Blizkaha Ŭschodu, paviedamili ŭ pres-słužbie JUNIESKA.
«Razbureńnie Palmiry — heta niečuvanaje złačynstva suprać cyvilizacyi. Złačyncam nikoli nie ŭdasca ścierci 4,5 tysiač hadoŭ historyi», — zajaviła hienieralny dyrektar. Jana taksama adznačyła, što vielmi važna tłumačyć historyju i značeńnie chramaŭ u Palmiry.
«Kožny, chto bačyŭ Palmiru, nazaŭždy zachavaje ŭspaminy pra jaje jak pra horad, jaki źjaŭlajecca ŭvasableńniem hodnaści ŭsiaho naroda Siryi i ŭvasableńniem najvyšejšych pamknieńniaŭ čałaviectva», — dadała Iryna Bokava.
Pavodle jaje słoŭ, ludziam treba jak maha šyrej znajomicca sa spadčynaj čałaviectva ŭ muziejach, škołach, ŚMI i doma. «U hetym lažyć asnoŭny sens inicyjatyŭ, jakija ažyćciaŭlajucca pa ŭsim śviecie JUNIESKA i vielizarnym likam hramadzian usich nacyjanalnaściej i vieravyznańniaŭ, niezaležna ad ich pachodžańnia, asabliva ŭ arabskim i musulmanskim śviecie. Siła kultury mahutniejšaja za ŭsie formy prajaŭ ekstremizmu, i ništo nie zmoža jaje spynić», — zajaviła jana.
Jak paviedamlałasia, pradstaŭniki AAN apublikavali spadarožnikavyja fatahrafii, jakija śviedčać ab tym, što staražytny chram Beła ŭ siryjskaj Palmiry byŭ razburany bajavikami hrupoŭki «Isłamskaja dziaržava». Jany ŭstalavali kantrol nad Palmiraj u siaredzinie maja.
