U Mazyry kampanija adznačała nabyćcio chamiaka, śviatkavańnie ledź nie skončyłasia trahična. Pra padrabiaznaści kryminalnaj spravy paviedamili ŭ pres-słužbie UUS Homielskaha abłvykankama.
Tryccacišaścihadovy žychar Lelčyc pryjechaŭ u Mazyr, dzie paznajomiŭsia z 22-hadovaj miascovaj žycharkaj. Dziaŭčynie patrebien byŭ chamiak dla samki hryzuna. Žyviołu nabyli, a pakupku vyrašyli adznačyć sa śpirtnym u znajomaha miascovaj žycharki — 39-hadovaha mazyranina. Kampanija vypiła siem butelek vina.
U niejki momant u žychara Lelčyc uspychnuła reŭnaść. Jon schapiŭ kuchonny nož i ŭdaryŭ haspadara kvatery ŭ šyju, začapiŭšy jaremnuju vienu. Pa vykliku apieratyŭna prybyła chutkaja dapamoha, paciarpiełaha praapieryravali i vyratavali jamu žyćcio.
Na druhi dzień paśla apieracyi jon užo byŭ dastupny dla kantaktu z pravaachoŭnymi orhanami. U dačynieńni da padazronaha raspačataja sprava pa art. 147 KK (naniasieńnie ciažkich cialesnych paškodžańniaŭ). Mužčyna raniej nie sudzimy, siamji nie maje, nie pracuje, žyvie z maci.