Katałoh tut.by — poŭny daviednik biełaruskich kampanij i arhanizacyj — pierajšoŭ na asobnuju placoŭku pad novym brendam tam.by i staŭ samastojnym resursam.
Jak paviedamili ŭ pres-słužbie partała, za dva hady svajho isnavańnia prajekt nastolki vyras i pašyryŭsia, što było pryniata rašeńnie pravieści jaho rebrendynh, daŭšy mahčymaść raźvivacca na asobnym damienie.
«Naš katałoh za apošni čas mocna vyras: heta pradukt, jaki staŭ vitrynaj prapanoŭ bolš čym 80.000 biełaruskich kampanij i arhanizacyj i nad jakim pracuje vialikaja kamanda ŭ šaści abłasnych haradach Biełarusi. U pierśpiektyvie tam.by moža stać takim ža surjoznym i značnym, jak tut.by, a tamu pryjšoŭ čas vydzielić jaho ŭ asobny brend, jaki ludzi zapomniać i nie stanuć błytać: naviny tut, a kampanii tam», — prakamientavaŭ hienieralny dyrektar tut.byAleksandr Čakan.
Pavodle słoŭ Čakana, pierachod zojmie niejki čas, ale bolšaść karystalnikaŭ hetaha navat nie zaŭvažać: u ich prosta źmienicca ikonka mabilnaj prahramy. Darečy, apošniuju možna biaspłatna spampavać dla apieracyjnych sistem Android i iOS, što ŭžo i zrabili kala sotni tysiač čałaviek. Ubudavanaja ŭ jaje funkcyja hieałakacyi dazvalaje znachodzić najbližejšyja da miescaraźmiaščeńnia karystalnika kampanii praz zručny pošuk abo rubrykatar, prakładvać da ich maršrut, dadavać upadabanyja kampanii ŭ zakładki i šmat inšaha.
Pošuk u katałohu tam.by ažyćciaŭlajecca pa 113 haradach Biełarusi, tamu, jak ličać administratary resursu, hety servis budzie karysny žycharam absalutna ŭsich rehijonaŭ krainy (a taksama tym, chto časta jeździć pa joj z kamandziroŭkami).
