Litoŭski hurt Biplan zapisaŭ na ŭkrainskaj movie svoj chit «O mes prie juros». Pa-ŭkrainsku jon zaviecca «Mi vično juni». Pieśnia vykładziena na Youtube siońnia, 24 žniŭnia.
«Siońnia dla nas cudoŭny dzień! — napisana ŭ fejsbuku hurtu. — A vydatny tamu, što narešcie my možam ŭsioj Ukrainie prezientavać adnu ź lubimych našych piesień, zapisanuju na ŭkrainskaj movie — «My viečna junyja». Videaklip na pieśniu źniaty na kazačnaj Kuršskaj kasie. Ukrainski tekst dla pieśni napisała naša dobraja siabroŭka Midna. Mesedž pieśni zastaŭsia niaźmiennym — heta luboŭ da žyćcia i žadańnie viečna zastavacca maładymi. Raduje jašče i toje, što adnačasova z hetym my možam pavinšavać Ukrainu z Dniom Niezaležnaści! Što moža być važniej niezaležnaści? Žadajem nikoli bolš jaje nie hublać, šanavać jaje i sadziejničać joj. Ad usiaho serca sa śviatam vas, darahija našy ŭkrainskija siabry! Z Dniom Niezaležnaści, Ukraina!»
Biplan stvorany ŭ 1995 h. (lidar — Maks Mielman). Prasłaviŭsia chitami «Amore» i «Labas rytas». Pieśnia «Amore» zapisanaja taksama pa-ŭkrainsku i pa-biełarusku. «Biplan» daŭ taksama kancert na Majdanie 12 śniežnia 2013 h.
