U minułyja vychodnyja ŭ stalicy Polščy prajšoŭ vajskovy parad u honar Śviata Vojskaha Polskaha, jakoje adznačajecca ŭ dzień pačatku kontrnastupu polskich i sajuznych im biełaruskich i ŭkrainskich vojsk suprać Čyrvonaj Armii.
Tady savieckija vojski ŭžo stajali na parozie Varšavy, adnak udar pa słabych miescach u froncie nastupajučych čyrvonych i razryŭ ichnych raściahnutych kamunikacyj pryvioŭ da samaj maštabnaj parazy vojsk SSSR s pačatku ichnaha isnavańnia i da leta 1941 hoda.
U vyniku ad Čyrvonaj Armii była vyzvalenaja Polšča i zaniatyja zachodnija častki Biełarusi i Ukrainy, dla jakich vyzvaleńnie pieratvaryłasia ŭ akupacyju, bo zachodnija biełarusy i ŭkraincy nie atrymali prava samastojna kiravać svaimi ziemlami. Śviata adznačajecca z 1992 hodu, adnak vajskovyja parady ŭ hety dzień pačali pravodzić u 2007 hodzie.
U paradzie ŭziali ŭdzieł 1600 polskich vajskoŭcaŭ i kala 170 adzinak bajavoj techniki, 60 samalotaŭ i viertalotaŭ, a taksama simvaličnyja kantynhienty vojsk ZŠA i Kanady.
Padčas paradu byli pakazanyja asnoŭnyja typy bajavoj techniki, jakija znachodziacca na ŭzbrajeńni Vojska Polskaha.
Parad prymaŭ prezident krainy Andžej Duda, jaki zaniaŭ hetuju pasadu 6 žniŭnia.
Prapanujem čytačam zrobleny partałam defence24.pl fotarepartaž z našymi kamentarami.
Tank Leopard 2A5 Vojska Polskaha. Takich mašyn u Polščy kala 250. Na fota mašyna z 34-j tankavaj bryhady.
Braniravanaja ramontna-evakuacyjnaja mašyna Bergepanzer 2 na bazie tanka Leopard 1.
Tank RT-91 Twardy, polskaja madyfikacyja savieckaha T-72. Takija tanki pastupova zamianiajucca «Leapardami». Ciapier Polskaja armija vykarystoŭvaje prykładna 230 tankaŭ RT-91 i 150 T-72.
Braniravanaja ramonta-evakuacyjnaja mašyna WZT-3 na bazie tanka RT-91.
Bronietransparciory KTO Rosomak. Vyrablajucca ŭ Polščy pa finskaj licenzii.
Braniravanaja miedyčnaja mašyna na bazie KTO Rosomak.
Bajavaja mašyna piachoty BMP-1 jašče savieckaj raspracoŭki.
Zienitny kompleks 9K33 Osa savieckaj raspracoŭki.
Braniravany hruzavik Star 266M OP ź pieranasnym zienitnym rakietnym kompleksam Grom 2.
Samachodny pastanoŭščyk minnych pieraškodaŭ ISM Kroton na bazie bronietransparciora Opal II (madernizavanaja savieckaja MT ŁB).
Braniravanaja mašyna inžyniernaj vyviedki TRI-D Durian na bazie bronietransparciora Opal.
Puskavaja rakietnaja ŭstanoŭka kompleksa supraćkarabielnaj abarony Kongsberg NSM.
Rakietnaja sistema załpavaha ahniu WR-40 Langusta. Madernizacyja savieckaj BM-21 «Hrad».
152-milimietrovaja samachodnaja harmata Dana čechasłavackaj vytvorčaści.
Bronieaŭtamabili HMMWV (Humvee) amierykanskaj vytvorčaści.
Aŭtamabili HMMWV s izrailskimi bieśpiłotnikami Aeronautics Defense System Orbiter
Prachod piešych kałon polskich vajskoŭcaŭ. U tradycyjnych paradnych płaščach i kruhłych kapielušach — źviaz z 21-j bryhady padchalanskich strałkoŭ, jakija atrymlivajuć padrychtoŭku hornaj piachoty.
Amierykanski i kanadski atrady.
Amierykanskija vajskoŭcy na BMP Stryker.
