Dyrektar dziaržaŭnaha pradpryjemstva «Minski mietrapaliten» Raścisłaŭ Jurenia prapanuje zamianić školnuju daviedku smart-kartaj. Pra heta jon paviedamiŭ žurnalistam paśla pramoj telefonnaj linii z nasielnictvam stalicy.
«U Minsku pakul niama adzinaha prajaznoha dakumienta dla asob, jakija majuć prava na biaspłatny prajezd u haradskim hramadskim transparcie. My hatovyja vyrabić smart-karty dla lhotnikaŭ, z dapamohaj jakich jany zmohuć prachodzić u mietro. Im tolki zastaniecca ŭnieści nievialikuju płatu za naniasieńnie na kartku infarmacyi (u tym liku fatahrafii)», — skazaŭ Raścisłaŭ Jurenia.
Pakul ža školnikam, jakija majuć prava biaspłatnaha prajezdu ŭ hramadskim transparcie, vydajuć daviedku, jakuju, pa słovach Raścisłava Jureni, lohka padrabić. Akramia taho, daviedkami, termin dziejnaści jakich užo skončyŭsia, lubiać karystacca niekatoryja studenty 1-2-ch kursaŭ. «Štodnia ŭ mietro adbirajecca vialikaja kolkaść roznaha rodu daviedak: praterminavanych, biez terminu dziejańnia, bieź piačatak i podpisaŭ», —raspavioŭ dyrektar mietrapalitena.
