Fota: @PavloKlimkin
U ramkach rabočaha vizitu va Ukrainu ŭ Adesie adbyłasia trochbakovaja sustreča ministraŭ zamiežnych spraŭ Biełarusi Uładzimira Makieja, Litvy Linasa Linkiavičusa i Ukrainy Paŭła Klimkina, paviedamlaje pres-słužba biełaruskaha viedamstva.
Ministry ŭsiebakova abmierkavali rehijanalnuju situacyju, źviazanuju z kanfliktam na paŭdniovym uschodzie Ukrainy, i vykazalisia na karyść apieratyŭnaha dasiahnieńnia kankretnych, prymalnych dla ŭsich bakoŭ, damoŭlenaściej u ramkach Trochbakovaj kantaktnaj hrupy.
Padčas sustrečy razhledžany pierśpiektyvy pierafarmatavańnia Uschodniaha partniorstva. U.Makiej padkreśliŭ metazhodnaść dyviersifikacyi padychodaŭ Jeŭrapiejskaha sajuza da krain-udzielnic Uschodniaha partniorstva ŭ zaležnaści ad aktualnych pryjarytetaŭ ich źniešniaj palityki. Pry hetym Ministr asobna akcentavaŭ važnaść spałučeńnia intehracyjnych pracesaŭ na jeŭrapiejskaj prastory i — u pierśpiektyvie — pačatku dyjałohu pamiž JEAES i ES.
Kiraŭnikami źniešniepalityčnych viedamstvaŭ troch krain abmierkavany taksama mahčymyja dziejańni, nakiravanyja na aktyvizacyju trochbakovaha supracoŭnictva ŭ palityčnaj, handlova-ekanamičnaj i transpartnaj śfierach, vypracoŭku trochbakovych rehijanalnych prajektaŭ u roznych halinach.