U Minsku zafiksavana maksimalnaja tempieratura za ŭvieś čas mietearałahičnych nazirańniaŭ.
Pra heta paviedamili ŭ Respublikanskim centry pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody.
«Siońnia ŭ Minsku byŭ pabity čarhovy tempieraturny rekord, była zafiksavana maksimalnaja tempieratura ŭ stalicy za ŭvieś čas mietearałahičnych nazirańniaŭ - 35,8 hradusaŭ ciapła», - adznačyli ŭ Hidramiecie.
Raniejšy rekord składaŭ 35,6 hradusaŭ vyšej za nul i byŭ adznačany ŭ minułym hodzie.
Akramia taho, 8 žniŭnia byŭ zafiksavany šerah tempieraturnych rekordaŭ miesiaca. Tak, u Vilejcy słupok termomietra padniaŭsia da 35,4 hradusaŭ vyšej za nul, tady jak raniejšy rekord žniŭnia tut byŭ adznačany ŭ 1992 hodzie i skłaŭ tady 34,7 hradusa ciapła. Vałožyn paŭtaryŭ svoj žnivieński rekord 1992 - plus 34,4 hradusa.
U Hrodzienskaj vobłaści svoj rekord miesiaca pabili Ašmiany, dzie siońnia zafiksavali 34,2 hradusa ciapła (raniejšy maksimum - plus 34 ŭ 1963 hodzie). U Vaŭkavysku siońnia było 35,3 hradusa vyšej za nul, takaja ž rekordnaja tempieratura była adznačana tut i ŭ 1992 hodzie.
Siarod haradoŭ Bresckaj vobłaści tempieraturnym rekordam siońnia vyznačylisia Pružany - 35,2 hradusa ciapła suprać 34,9 hradusaŭ u 1992 hodzie.
Na Mahiloŭščynie žnivieński rekord byŭ pabity ŭ Słaŭharadzie - 35,3 hradusa vyšej za nul suprać 34,8 hradusa ciapła ŭ 1992 hodzie. Pa słovach sinoptykaŭ, siaredniesutkavaja tempieratura pavietra ŭ hetyja dni ŭ cełym pa respublicy pieravyšaje klimatyčnuju normu na 5-10 hradusaŭ.
