Pačatak siezona palavańnia na vadapłaŭnuju i bałotnuju dzičynu ŭ Biełarusi pieranosicca z 8 na 22 žniŭnia. Jak paviedamlaje pres-słužba ŭrada, adpaviednaje rasparadžeńnie padpisaŭ 5 žniŭnia premjer-ministr Andrej Kabiakoŭ.
Pavodle praviłaŭ viadzieńnia palaŭničaj haspadarki i palavańnia, siezon palavańnia na vadapłaŭnuju i bałotnuju dzičynu, słonku, viachira, šyzaha hołuba, pierapiołku, fazana pačynajecca ŭ respublicy z druhoj suboty žniŭnia i doŭžycca pa druhuju niadzielu śniežnia.
Palavać dazvalajecca ŭ śvietły čas sutak sa strelby z zasady, z padychodu, z padjezdu małamiernych sudnaŭ. Palaŭničyja mohuć vykarystoŭvać pry hetym hładkastvolnuju palaŭničuju zbroju i patrony, načynienyja šrotam, a taksama palaŭničych sabak (usie hrupy, akramia hončych i chartoŭ). Što datyčycca małamiernych sudnaŭ, jakija taksama dazvoleny dla hetaha vidu palavańnia, to jany pavinny być biez ruchavika ci z ruchavikom, jaki nie pracuje.