Tut i nižej fota: Juryj Pivavarčyk
Baranavičy ŭ čarhovy raz čakajuć vizitu kiraŭnika dziaržavy. Jak miarkujecca, Alaksandr Łukašenka naviedaje Baranavičy ŭ piatnicu, 7 žniŭnia.
«Chutčej za ŭsio, pryjedzie. Dzie budzie prezident, dakładna nieviadoma, maršrut byŭ adzin, potym jon pamianiaŭsia — pakul kankretnaha płana niama», — paviedamili vydańniu «Inteks-pres» ŭ Baranavickim harvykankamie ŭ aŭtorak, 4 žniŭnia.
Chutčej za ŭsio, adnym z punktaŭ vizitu Łukašenki stanie Baranavickaje vytvorčaje bavaŭnianaje abjadnańnie (BVBA). Pa mienšaj miery, padstava dla hetaha jość — terminy maštabnaj madernizacyi na pradpryjemstvie skančajucca, para dać spravazdaču za układzienyja ŭ pradpryjemstva inviestycyi.
I padobna, što na BVBA Alaksandra Łukašenku čakajuć. Praca tut kipić, niahledziačy na śpiakotu.
«Siońnia «pyłasos» (dla liścia) pryvieźli, navat nie viedajem, jak im karystacca, nikoli takoha nie bačyli, — kaža adna z žančyn-dvornikaŭ. — Skazali, miaści choć da ranicy, ale vulica pavinna być čystaj».
Pačaŭ inakš vyhladać i pałac kultury «Tekstylščyk».
«Spačatku zahładzim ŭsie niaroŭnaści, jamki, a potym budziem bialić ŭvieś fasad», — raspaviała adna z rabotnic. Žančyny staranna vydzirajuć travu pamiž tratuarnych plitak kala Doma kultury, čyściać dno ŭ daŭno sapsavanym fantanie.
Haradžanka, jakaja prachodzić mima ź dziciem, na niekalki chvilin spyniajecca i naziraje za śpiešnym naviadzieńniem paradku: «Lepš by prezident ŭbačyŭ usio jak jość, a nie hety marafiet».
Na čyhunačnym pierajeździe pa vulicy Kirava pracoŭnyja bialili bardziury, farbavali raździalalnuju aharodžu, ŭstaloŭvali novyja plity na piešachodnym pierachodzie. Navat dach na pamiaškańni pasta biaśpieki vymyli, kažuć. Pačaŭ dziejničać fantan u pažarnaj častcy pa vulicy Kirava.
I navat kali vizit Łukašenki nie adbudziecca, haradžanie takim naviadzieńniem paradku vielmi navat zadavolenyja.
