Viečar biełaruskaj kłasiki projdzie ŭ Minsku la Ratušy 1 žniŭnia, paviedamiŭ kuratar prajektaŭ fondu «Ideja» Viačasłaŭ Korsak.
U subotu, 1 žniŭnia, u samym sercy Minska projdzie maštabny pramienad z tancami ŭ styli kaściumavanaha balu XIX stahodździa pad muzyku znakamitaha pałanieza «Raźvitańnie z Radzimaj». Kancert pryśvieciać 250-hodździu z dnia naradžeńnia Michaiła Kleafasa Ahinskaha — kampazitara, dypłamata, miecenata i dziejača biełaruskaj kultury. Taksama ŭ Ratušy vykanajuć tvory aŭtaraŭ kanca XVIII—pačatku XIX stahodździaŭ — nastaŭnikaŭ i vučniaŭ Michaiła Kleafasa.
Śviatočny nastroj buduć stvarać ansambl staradaŭniaj muzyki «Kantabile» i ŭdzielniki prajekta «Epocha kniazia Michała Kleafasa». «Prajścisia pałanezam» z zaprošanymi artystami, stančyć mazurku abo vals zmohuć usie achvotnyja.