Vychodnyja prynieśli roznyja niečakanaści z nadvorjem dla roznych rehijonaŭ krainy. Praz Brest prakaciłasia mocnaja navalnica sa škvalistym vietram.
A z paŭnočnaha zachadu na Biełaruś pastupała pavietranaja masa, jakaja pry sutyknieńni ź inšym pavietram dała voś takija cikavyja pa formie abłoki.
Mnohija, chto heta bačyŭ, zhadžajucca, što tak, napeŭna, vyhladaje nieba pierad Apakalipsisam.
Śviedčańni pra takija niezvyčajnyja abłoki pastupili i z Hłybokaha, i ź Miadzielščyny. Heta dazvalaje kazać, što niezvyčajny niabiesny fienomien byŭ bačny na zachadzie Viciebskaj i pa poŭnačy Minskaj abłaściej.
Maje foty zrobleny pad horadam Dokšycy, jaho ahni bačnyja na haryzoncie (na pieršym fota).
Papiaredžvajučy zakidy, što hetyja karcinki — pradukt apracoŭki ŭ hrafičnych redaktarach, dadam, što nijakich apracovak takoha kštałtu da fota nie prymianiałasia.
