U chodzie pazapłanavaj pravierki parušeńni patrabavańniaŭ zakanadaŭstva ab handli i abaronie pravoŭ spažyŭcoŭ ustanoŭlenyja ŭ restaranie «Žuravinka», restaranie chutkaha absłuhoŭvańnia Food Republic i kafe River Cafe (ZTAA «Šachin»), paviedamili ŭ Minhandli.
«Źniata z realizacyi pradukcyi ź minułymi terminami prydatnaści na sumu kala 14 młn rubloŭ, ustanoŭleny fakty nievykanańnia asartymientnych pieralikaŭ, tempieraturnych režymaŭ zachoŭvańnia pradukcyi, parušeńni kantrolu jakaści i biaśpieki vypuščanaj pradukcyi, zachoŭvańnia pradukcyi biez dakumientaŭ, jakija paćviardžajuć fakt jaje nabyćcia, jakaść i biaśpieku, realizacyi ałkaholnych napojaŭ biez akcyznych marak i z paškodžanymi akcyznymi markami i h.d.» — adznačana ŭ paviedamleńni.
Taksama vyjaŭleny vypadki padmanu pakupnikoŭ: pry vybaračnym uzvažvańni asobnych hatovych straŭ niedavaha ŭ ich skłała da 40% ad naminalnaj masy, ustanoŭlenaj u technałahičnych dakumientach.
Dla likvidacyi vyjaŭlenych parušeńniaŭ i zabieśpiačeńnia dziejsnaha kantrolu za jakaściu i biaśpiekaj pradukcyi, a dziejnaść hetych abjektaŭ prypynienaja z 8 lipienia 2015 hoda
Abnoŭleny kompleks z novaj kancepcyjaj byŭ adkryty krychu bolš za hod tamu. Jon abyšoŭsia inviestaram prykładna ŭ 5 młn jeŭra.
