Kiraŭnictva ŭkrainskaha pałka «Azoŭ» zajaviła, što jaho staronka ŭ sacyjalnaj sietcy Facebook była vydalenaja biez tłumačeńnia pryčyn.
Na staroncy pałka «Azoŭ» ŭ rasijskaj sacyjalnaj sietki «UKantakcie» havorycca, što akaŭnt u «Fejsbuku» pad nazvaj «Bataljon śpiecyjalnaha pryznačeńnia Azoŭ — novaja staronka» byŭ vydaleny kala 13:30 pa Maskvie.
U ciapierašni čas pradstaŭniki pałka vyśviatlajuć pryčynu źniknieńnia staronki, jakaja, pa ich słovach, naličvała bolš za 50 tysiač padpisčykaŭ.
Dobraachvotnicki połk «Azoŭ» byŭ sfarmavany ŭ Maryupali ŭ mai 2014 hoda. Jon uvachodzić u skład nacyjanalnaj hvardyi Ukrainy. Pieršapačatkova jon ujaŭlaŭ saboj bataljon, adnak u vieraśni 2014 jaho skład pašyryli da pałka.
Čytajcie taksama: Minčuka zatrymali za majku «Azova»
