Z-za mocnych paryvaŭ vietru, da 20 m/c, viečaram 6 lipienia ŭ Minsku na piać aŭtamabilaŭ upali drevy, paviedamili ŭ Minskim haradskim upraŭleńni MNS.
Tak, na vulicy Plachanava dreva ŭpała na pryparkavany lehkavy aŭtamabil «Suzuki Balena» 1998 hoda vypusku, na vulicy Kisialova — na «Aŭdzi A6» 04 hoda vypusku, «Tajota Jarys» (2009) i «Falksvahien Holf» (1996). Taksama ad padzieńnia dreva na vulicy Prytyckaha paciarpieŭ lehkavy aŭtamabil «Nisan Prym`iera» 2002 hoda vypusku.
Dreva, što ŭpała na vulicy Daraševiča, pieraharadziła prajezd na terytoryju pasolstva Łatvijskaj Respubliki. Pieraškoda była likvidavanaja z dapamohaj MNS. Aprača taho na vulicy Hierojaŭ 120-j dyvizii kala doma № 17 dreva ŭpała na prajeznuju častku.
Jak paviedamlałasia raniej, 6 lipienia kala 19 hadzin na vulicy Niaždanavaj dreva ŭpała na žančynu 1958 naradžeńnia z Mahilova. Paciarpiełaja z dyjahnazam «udar hrudnoj kletki» špitalizavanaja ŭ RNPC traŭmatałohii i artapiedyi.
