Reuters.com
Śledčyja SK unieśli źmieny ŭ spravu ŭkrainki Nadziei Saŭčanka, abvinavaciŭšy jaje ŭ niepasrednym zabojstvie dvuch rasijskich žurnalistaŭ u chodzie bajavych dziejańniaŭ na ŭschodzie Ukrainy zamiest dapamahańnia ŭ zabojstvie.
Ciapier Saŭčanka abvinavačvajuć u zabojstvie dvuch i bolš čałaviek, «zamachu na zabojstva ahulnaniebiaśpiečnym sposabam» i niezakonnym pierasiačeńni rasijskaj miažy. Raniej jaje abvinavačvali ŭ dapamahańni zabojstvu rasijskich žurnalistaŭ Ihara Karnieluka i Antona Vałošyna.
Advakat abvinavačanaj Illa Novikaŭ paćvierdziŭ ŭzmacnieńnie žorstkaści abvinavačvańnia, patłumačyŭšy, što «ŭ śledstva pamianiałasia kancepcyja». Pry hetym dziejańni, što vystaŭlajucca Saŭčanka, zastalisia raniejšymi. Inšy advakat Mikałaj Połazaŭ paviedamiŭ, što «kancepcyja» u śledstva «mianiałasia šmat razoŭ», i ciapier śledčyja mabyć ličać, što «jana sama vyznačała, kaho zabivać i jak, mieła adnosiny da artyleryjskich pryładaŭ».
Saŭčanka admaŭlaje vystaŭlenyja joj abvinavačvańni, i ŭžo nieadnarazova pravodziła haładoŭki ŭ znak pratestu suprać razhladu spravy.
