Z 6 lipienia padača dakumientaŭ u Vizavym centry Litvy ŭ Minsku, što na vulicy Čyhunačnaj, 33 (Biznes-centr «Płaza», st. mietro «Michałova») ciapier ažyćciaŭlajecca tolki pavodle papiaredniaha zapisu, paviedamlajecca ŭ samim centry abo na jaho sajcie.
Da siońniašniaha dnia padača dakumientaŭ ažyćciaŭlałasia pavodle žyvoj čarhi z najaŭnaści elektronnaha tałona (jak u bankach).
Košt pasłuhaŭ u padačy dakumientaŭ kala 346 tys. rubloŭ (dzieciam da 12 hadoŭ biaspłatna). Nahadajem, što z 23 červienia dla padačy dakumientaŭ na vizy (z uzrostu 12 hadoŭ) nieabchodna zdavać adbitki palcaŭ.
Dadamo, što ŭ hetym pamiaškańni taksama pracujuć vizavyja centry Ispanii, Vienhryi, Charvatyi, Danii, i z prychodam leta značna vyrasła kolkaść naviednikaŭ. Naprykład, 2 lipienia Vizavy centr byŭ litaralna nabity bitkom.
