Alaksandru Łukašenku było dałožana 2 lipienia na naradzie pa palityčnych pytańniach pra toje, što Ministerstva zamiežnych spraŭ Biełarusi nakiravała zaprašeńni mižnarodnym nahladalnikam dla ažyćciaŭleńnia nazirańnia za prezidenckimi vybarami.
Taksama jamu było dałožana ab vynikach udziełu biełaruskaha boku ŭ šerahu mierapryjemstvaŭ mižnarodnaha charaktaru, ab situacyi, što składvajecca vakoł Biełarusi, ab aktualnych padychodach krainy da šeraha pytańniaŭ mižnarodnaha paradku dnia.
Jamu taksama było dałožana ab stanie i pierśpiektyvach adnosin ź viadučymi hieapalityčnymi dziaržavami i inšymi partniorami Biełarusi.
Asablivaja ŭvaha była ŭdzielena pytańniam dyviersifikacyi handlova-ekanamičnych adnosin.
Łukašenka vykazaŭ vialikaje niezadavalnieńnie tym, što rost tavaraabarotu nazirajecca tolki z asobnymi krainami i zapatrabavaŭ aktyŭniej pracavać na inšych rynkach.
Kiraŭnik dziaržavy ličyć nieabchodnym uzmacnić patrabavańnie z adpaviednych słužbovych asob, adkaznych za raźvićcio supracoŭnictva z asobnymi krainami i rehijonami.
Jamu taksama dałožana infarmacyja ab situacyi ŭ rehijonach Biełarusi, na asobnych pradpryjemstvach, ab nastrojach u pracoŭnych kalektyvach.
Kiraŭnik dziaržavy zapatrabavaŭ nie dapuskać ni ŭ jakim razie raschlabanaści i samazaspakojenaści na miescach i źviarnuŭ uvahu ŭrada i ŭsioj viertykali ŭłady na nieabchodnaść biezumoŭnaha vykanańnia ŭsich jaho daručeńniaŭ ekanamičnaha charaktaru.
